Good Mood

媽媽早咗接囡囡放學,所以同囡囡係學校嘅mini-gym玩一陣, 玩平行朩同行樓梯, 不過難唔到囡囡. 哈哈! 因為囡囡都大個女囉!!! 不過見囡囡咁開心又擺晒pose, 媽媽幫囡囡用手机影相!!

到咗夜晚, 囡囡心情靚,一边玩边唱歌. 爸爸媽媽要估歌仔...因為唔知囡囡唱咩歌... 可能唱緊係學校學嘅新英文歌~哈哈!! 近期主打新歌係 "B-I-N-G-O, B-I-N-G-O, B-I-N-G-O, AND BINGO IS MY NAME O~" 同埋 "hello, hello, How are you today?"... 爸爸 lalalum 拍 video!

Gingerbread house

Season Greeting card made by 姨姨

約埋姨姨dordor一齊起間gingerbread屋! 其實媽媽同姨姨都係第一次起屋!相比你哋嘅開心程度亦不遜式! 你哋不停望住d糖糖, 姨姨同媽媽不停望住你哋两個唔好偷食d糖糖! 爸爸仲影咗好多相, 順便影埋聖誕節相, HO HO HO!

Christmas Shopping @ Eaton Centre

聖誕節快到, 媽媽都未搞點d聖誕禮物呀~!爸爸話 Downtown Eaton Centre 有大減價, 所以放工後接埋囡囡一齊行街街! 可惜叔叔嬸嬸唔可以join我哋啦! 爸爸同囡囡係Dundas Square 影靚相, 因為十分凍,所以只係用咗九秒九影幾張相!上年聖誕節都有嚟,婆婆仲一齊添!

眨吓眼咁就一年啦!! 時間飛逝, 媽媽繼續學習珍惜毎個同囡囡相處嘅時刻~ 囡囡實在大得好快, 有時媽媽覺得你係一個小人仔~媽媽知道囡囡好錫媽媽: 例如人家請你食嘢你一定預埋媽媽一份! 小小年紀嘅囡囡真係氹得媽媽由心笑出嚟! 媽媽希望囡囡長大後都一樣咁乖, 咁聽媽媽話, 仲要聽天主話添!

Sushies Buffet

雖然今晚天氣超凍, 但係我哋一家好耐無出街食飯, 所以爸爸媽媽同囡囡去咗食日本任食。餐廳唔係好忙，所以我哋好快有嘢食! 囡囡係香港開始用筷子, 不過用時較耐! 囡囡見到餐廳嘅木筷子, 緊係要用啦! 不過用用吓就放棄,用噃匙羹舀舀吓…出呼媽媽意料, 囡囡叫媽媽養位俾爸爸坐, 仲要爸爸餵添! 媽媽真係有d唔慣~嘻嘻! 不過無幾耐, 又叫媽媽餵返, 真搞鬼!!

香港-蘇屋村篇

香港-蘇屋村篇
蘇屋村將被重建, 所以而家變咗做旅遊景點…
太太話多咗好多人影相留念! 其實蘇屋村變咗好多..
媽媽自細已經係蘇屋村打等, 都算係到長大! 很多美好回憶…

蘇屋村留倩影

囡囡係蘇屋村瘋狂地跑,追住(老)小狗喘氣...

上氣唔接下氣~ 小狗主人叫囡囡俾小狗休息一下!! 哎呀~

媽媽既影子…媽媽細個時所影過既Pose, 位置等等! 哈哈!