Show time

今晚囡囡心情好好, 載歌載舞...由飯廰跳到客廰...由客廰跳到飯廰!! 爸爸媽媽笑到飛起.. 囡囡自己都引唔住笑!! 媽媽估(99.999%相信) 咁有創意嘅舞步係学校学..因為呢星期係國際文化週, 唱咩歌詞只有囡囡知!!! 哈哈哈!!

Good Mood

媽媽早咗接囡囡放學,所以同囡囡係學校嘅mini-gym玩一陣, 玩平行朩同行樓梯, 不過難唔到囡囡. 哈哈! 因為囡囡都大個女囉!!! 不過見囡囡咁開心又擺晒pose, 媽媽幫囡囡用手机影相!!

到咗夜晚, 囡囡心情靚,一边玩边唱歌. 爸爸媽媽要估歌仔...因為唔知囡囡唱咩歌... 可能唱緊係學校學嘅新英文歌~哈哈!! 近期主打新歌係 "B-I-N-G-O, B-I-N-G-O, B-I-N-G-O, AND BINGO IS MY NAME O~" 同埋 "hello, hello, How are you today?"... 爸爸 lalalum 拍 video!

飛躍大奨

囡囡係學校嘅表現有進歩. 又唔喊 , 老師讚囡囡好幫手! 囡囡肯幫其他小朋友着鞋, 派杯俾佢哋, 最犀利係囡囡記得邊隻杯係邊個小朋友!
囡囡仲話俾媽媽知小朋友嘅名添…爸爸媽媽感到非常安慰… !!我諗媽媽有時真係低估咗囡囡…嘻嘻!! 仲以為你仲適應緊學校生活和環境, 原來你已經一早搞奌咗!! Yeah叻女!!
希望囡囡朝早返學時唔好再喊啦!! 加油 !!!

Lately we didn't have much chance to take pictures at school!!!! =)

向上刷 向下刷

向上刷 向下刷, 不可放任胡亂刷, 應防牙兒黃又黑, 早晨臨瞓都應刷.

爸爸每晚都陪囡囡刷刷牙,希望囡囡能養成好習慣...不過囡囡似乎鏈意食甜甜牙膏多d! 哈哈!

Christmas Shopping @ Eaton Centre

聖誕節快到, 媽媽都未搞點d聖誕禮物呀~!爸爸話 Downtown Eaton Centre 有大減價, 所以放工後接埋囡囡一齊行街街! 可惜叔叔嬸嬸唔可以join我哋啦! 爸爸同囡囡係Dundas Square 影靚相, 因為十分凍,所以只係用咗九秒九影幾張相!上年聖誕節都有嚟,婆婆仲一齊添!

眨吓眼咁就一年啦!! 時間飛逝, 媽媽繼續學習珍惜毎個同囡囡相處嘅時刻~ 囡囡實在大得好快, 有時媽媽覺得你係一個小人仔~媽媽知道囡囡好錫媽媽: 例如人家請你食嘢你一定預埋媽媽一份! 小小年紀嘅囡囡真係氹得媽媽由心笑出嚟! 媽媽希望囡囡長大後都一樣咁乖, 咁聽媽媽話, 仲要聽天主話添!

Sushies Buffet

雖然今晚天氣超凍, 但係我哋一家好耐無出街食飯, 所以爸爸媽媽同囡囡去咗食日本任食。餐廳唔係好忙，所以我哋好快有嘢食! 囡囡係香港開始用筷子, 不過用時較耐! 囡囡見到餐廳嘅木筷子, 緊係要用啦! 不過用用吓就放棄,用噃匙羹舀舀吓…出呼媽媽意料, 囡囡叫媽媽養位俾爸爸坐, 仲要爸爸餵添! 媽媽真係有d唔慣~嘻嘻! 不過無幾耐, 又叫媽媽餵返, 真搞鬼!!

香港-大埔篇

香港-大埔篇
到大埔慶祝姨婆61歲生日!
囡囡一向麻麻地跟唔熟悉既人談話或需要d時間warm up…
真沒有諗到囡囡不怕醜咁跟著表哥表姊玩,
還特別鐘意抱住軒軒表哥, 粘到實一實, 熱情非常!

香港-Mickey, Happy篇

香港-Mickey, Happy篇

媽媽諗Mickey, Happy終於可以有覺好訓~
囡囡非常熱情咁餵東西他們食, 時不時同他們講個不停…
他們訓覺時又製造操音...抱又撫又錫…
媽媽現在先發覺你咁鍾意小狗…!

問囡囡掛唔掛住太太… 諗都唔諗話 : NO

問囡囡掛唔掛住婆婆….諗都唔諗話 : NO

之後囡囡諗都唔諗話: 囡囡掛住Mickey ,
囡囡掛住Happy! (婆婆的兩頭小狗)

激死人!!!

香港-太太90歲壽辰篇

香港-太太90歲壽辰篇

祝太太生日快樂、身體健康!!
俗語云：『家有一老、如有一寶』

今次返香港既主要目的係慶祝太太90歲生日, 見太太身體唔錯, 精神好好, 真係感謝天主! 太太至今仍買送煮飯, 打理家頭世務! 太太真係媽媽既偶像! 比起2007年先得半歲大既囡囡…今次跟太太多咗交流…除咗因為囡囡大個女咗…其次囡囡既趣怪表現亦哄得太太哈哈大笑。

囡囡大個女咗 + 香港旅行精彩篇

媽媽病咗好幾天, 好似無論做什麼都是力不從心 ! 實在掃興!

囡囡:自你從香港返來後, 感覺你忽然很懂事, 大個咗咁! 而且，又識講咗好多嘢…媽媽都諗你算係咁啦…心懷安慰。不過而家你喜歡連續地問問題、反覆要求你要得到為止。有時都唔知好(男女男)定好笑, 爸爸媽媽唯有一笑置之!

其實你真是一個逗人歡喜的小人兒, 聰明醒目的囡囡~雖然有時叫唔聽, 但係都算聽教聽話。婆婆總是開玩笑咁講: 【霖霖唔曳…都算乖啦!! 哈! 哈!】

媽媽最終打起精神, 花咗唔少心血時間青春將擱置咗好耐既香港相片整理!
返回多倫多差唔多一個月…光陰似箭, 媽媽諗起碼要一年後先能到香港探太太探婆婆lu!

香港-美食篇
去到邊, 食到邊…食盡香港美食

香港-點心篇
賣點心係囡囡係香港最喜愛玩的,
突然婆婆屋企嗰膠係咁推..
一邊推一邊叫 :蝦餃燒賣牛肉飯…
非常好笑! 玩極都唔厭…

more精彩篇緊接著next blog